Ligi Kuu Bara: Donald Ngoma Aipa Azam Ushindi Mbele Ya Ndanda
3rd October 2019
DAR ES SALAAM, Tanzania -Timu ya Azam wamepata alama tatu muhimu baada ya kufanikiwa kuwafunga Ndanda kwa mabao 2-0 kwenye mchezo wa ligi kuu bara uliofanyika kwenye uwanja wa Azam Complex.
Ushindi huo ni ahueni kwa kocha Etiene Ndayiragije ambaye ameiongoza Azam wakati wakifungwa kwenye mechi mbili za kombe la shirikisho Afrika dhidi ya Triangle ya Zimbabwe na kutupwa nje ya michuano hiyo.
Mabao ya Azam yamefungwa na wachezaji wa kimataifa, mshambuliaji Donald Ngoma na Daniel Amoah kwenye vipindi vyote viwili.
Matokeo hayo yanawafanya Azam kufikisha alama sita baada ya kushuka dimbani mara mbili kwenye msimu huu. Mechi ya kwanza waliwafunga KMC bao 1-0.
Ushindi huo ni ahueni kwa kocha Etiene Ndayiragije ambaye ameiongoza Azam wakati wakifungwa kwenye mechi mbili za kombe la shirikisho Afrika dhidi ya Triangle ya Zimbabwe na kutupwa nje ya michuano hiyo.
Baada ya mchezo huu Azam sasa watajiandaa kwa mechi ijayo dhidi ya Namungo mchezo uliopangwa kufanya Azam Complex, Oktoba 5.
Imeandaliwa na Badrudin Yahaya