Connect with us

Habari

Azam Kujipima Nguvu Na Mabatini Kombani Ya Mwanza Kesho Ikiiwinda Mbao FC

KLABU ya Azam FC, inatarajia kukipiga dhidi ya Mabatini Kombaini katika mchezo wa kirafiki unaotarajia kufanyika Uwanja wa Alliance kesho Jumatano saa 10.00 jioni.

Kikosi cha Azam FC kipo hapa mkoani Mwanza tokea juzi, kikifanya maandalizi ya kuikabili Mbao, katika mchezo wa Ligi Kuu ya Vodacom Tanzania Bara (VPL) unaotarajia kufanyika Uwanja wa CCM Kirumba, Mwanza.

Mabingwa hao wa Ngao ya Jamii na Kombe la Mapinduzi msimu uliopita, wanatarajia kuutumia mchezo huo wa kirafiki kama sehemu ya maandalizi kuelekea mchezo wao na Mbao.

Hadi hivi sasa, wachezaji wote wa Azam FC wako fiti, isipokuwa kipa Razak Abalora, anayesumbuliwa na Malaria, ambaye leo ameanza mazoezi mapesi wakati kikosi hicho kilipofanya mazoezi ya asubuhi katika Uwanja wa Nyamagana, jijini hapa Mwanza.

Kueleka mchezo wa Mbao, Azam FC imeonekana kuwa kwenye nafasi nzuri kwenye msimamo wa ligi hiyo ikiwa ni miongoni mwa timu nne zilizokaa kileleni zote zikiwa na pointi 12, zingine zilizojuu yake zikiwa ni Simba, Yanga na Mtibwa Sugar, ambazo ziko juu yake kwa idadi ya mabao ya kufunga.

More in Habari